الرئيسية / المقالات / اختبارات قياس والقدرات ( عزرائيل المعدل )

اختبارات قياس والقدرات ( عزرائيل المعدل )

واحد زائد واحد يساوي 2 مو معادله مالها حل (2)

في بعض الدول العربية مثل مصر يعطو للطلاب الي مغتربين مع اهلهم في الدول الثانية فرصه رفع نسبتهم المئوية الحاصلين عليها نظرا لان نفس وزارة التعليم لو جاب الطالب 100% في السعودية مثلا رح يحذفوله 4% منها و يصير معدله بالتالي 96% لان المواد الدينية الي يدرسها الطالب في السعودية ماتتدخل ضمن نظامهم التعليمي فيعطو الطالب فرصة رفع مستواه باختبار تعديل للعلامات و مايتاثر الطالب في درجاته النهائية .
تعالو نشوف نظام قياس الي في السعودية اول شي لازم تسجل بالانترنت هل كل طلابك عندهم نت متوفر؟ . طيب خلصنا التسجيل المواعيد و زحمتها و ممكن ما تلاقي في المدينة الي انت فيها وفي نفس المدينة اماكن محدودة . رسوم الاختبار 100 ريال و كمان طريقة تسديدها طريقة كانك تدخل بيت جحا عشان تدفع يعني ممكن الحكاية تختصر في نقطي ناما تروح مصرف الراجحي تسدد لقياس او تحطو نظام سداد زي الدوائر الحكومية او طريقة الدفع للخطوط السعودية .

مساله انه اصبح الزامي هذا الاختبار صراحة ظلم للطلاب و الطالبات تقوللي كيف ؟ كثير بنات و شباب كانو مجتهدين وشاطرين وجايبين الدرجات الكاملة و يجي بكل اريحيه مستفزة اختبار قياس ينسف معدلهم و يفرض عليهم اختيارات بالجامعة والكليات تحطم فيها كل احلامهم نظرا لان للان جامعاتنا ما تقبل الا من 98% وفوق ولو لقي مكان اصلا .
الظلم الاكبر وهو قصة حقيقية من احدى الاخوات سمعتها واطلعت على تفاصيلها و بحاول اساعدها و هي احدى السيدات السعوديات مطلقة من سعودي من اكثر من 15 سنه و هذا المدعو انه اب لفتاة في 15 من عمرها الحين لازم تقدم على اختبار قياس و القدرات ماتقدر تقدم لان ابوها الفاضل حاجز جواز السفر , شهادة الميلاد , واوراقها الثبوتية و رافض يطلع لها بطاقة احوال وطنيه ومن متطلبات التقديم كتابة الاسم بالانجليزي كما هو بالجواز ايش الحل لفتاة مثلها اتعطل مستقبلها بسبب اب متعسف جالس يعاند الام في بنته مع انه الام راحت للاحوال عشان تتطلع للبنت هوية الا انه حتضطر انها تنذل بالمستقبل للاب عشان مستقبل بنتها التعليمي .
أنا بالبداية استحسنت فكرة القدرات و قياس للي يبغو يحسنو مستوهام ومو اجباري لكن طلعت سلبياته اكثر من ايجابياته و فجر مشاكلل بالبيوت على كل المستويات بسسبه حتى الان مراكز التدريب و المدرسين الخصوصيين يتاجرو في دروسها لانهم عارفين انه احنا مضطرين انه الابن والابنه لازم يجيبوا درجه كويسة عشان مايتأثر المعدل .

و يستمر مسلسل 1+1 = 2 مو معادلة مالها حل وانشاء الله القادم يكون فيه تطوير ايجابي بطرق استراتيجه على المدى البعيد

اللهم صلي وسلم على محمد وعلى اله وصحبه وسلم

شارك الخبر |

شاهد أيضاً

سمير ودلال

بقلم : الدكتور خليفة الملحم سمير غانم اسم ارتبط بالفن و الضحك و الفكاهة فقد …